去旅行想慳到盡，好多人都會選擇搭廉航，老實講如果你係搭econ，廉航同一般航空公司嘅坐位真係分別不大，廉航只係票價不包含寄倉行理，同埋食佢果個翻熱而又唔係太想食嘅飛機餐。但係上機前唔食啲嘢又怕捱唔到落機，機場啲食店價錢又貴，不如免費入機場貴賓室食飽先上機啦！唔止有即叫即煮嘅新鮮美食，而且仲有舒適嘅環境添。
以下會為你介紹幾張可以免費入機場貴賓室嘅信用卡，及兩個免費機場貴賓室！
Table of Contents
免費進入環亞機場貴賓室
Plaza Premium Lounge
香港人熟悉嘅環亞機場貴賓室，俗稱”魚蛋粉lounge”，因為其招牌即煮魚蛋粉及自家製XO 醬而聞名。現時兩間環亞機場貴賓室分別位於禁區內1 號閘及35 號閘附近，有關35 號閘附近環亞機場貴賓室嘅介紹，可以參考以下文章：
為你直擊最新開幕Gate 35 環亞機場貴賓室Plaza Premium Lounge！提供新菜式及QR code 點餐服務！
| 信用卡 | 年薪要求 | 每年可進入次數 | 進入條件 |
| EarnMORE | HK$150,000 | 3 次 | 需連續2 個月內合共簽賬滿HK$12,000，每年可免費享用貴賓室3 次 (用八達通自動增值都可以) |
| AE CX Elite | HK$300,000 | 10 次 | 每年可享10 次免費環亞機場貴賓候機室服務，主卡及附屬卡持有人共用10 次免費 |
| AE CX | HK$150,000 | 2 次 | 每年送2 張免費專享環亞機場貴賓候機室之入場券，主卡及附屬卡持有人可使用 |
| Citi PM | HK$240,000 | 12 次 | 每年可以免費使用12 次香港區Plaza Premium Lounge，使用後30 日內要憑卡消費HK$5,000 (用電子錢包增值/轉賬都可以) |
安信EarnMORE銀聯鑽石卡
安信EarnMORE銀聯鑽石卡每年可以進入環亞機場貴賓室3 次，但需要連續2 個月內合共簽賬滿HK$12,000，不過用八達通自動增值都計算在內，咁即係代表可以零成本就賺到現金回贈同3 次機場貴賓室，有關如何用O! ePay 零成本碌卡賺回贈請按我。
申請資格
- 最低年齡要求：18歲
- 最低年薪要求：HK$150,000
- 年費：免首兩年年費，其後每年HIK$800
入lounge 條款
- 有效期從2020年3月1日至2020年12月31日 (包括起止日期)。機場貴賓室的使用日期從2020年3月1日至2021年3月31日 (包括起止日期)。
- 需要預早最少一個月於指定網頁內提交資料申請。收到確認電郵後便可開始使用 3 次貴賓室服務。
- 3 次貴賓室服務只可供持卡人使用。
- 服務範圍覆蓋全球指定130 多間LoungeKey 機場貴賓室，覆蓋中國大陸、香港地區、澳門地區、台灣地區。
- 卡主需憑同名之當日登機證、旅遊證件及銀聯鑽石卡進入機場貴賓室。
2020 年2 月29 日之前經以下連結申請仲可以額外多$200 現金回贈！
按我申請
更多有關安信EarnMORE銀聯鑽石卡嘅資料，請看以下介紹：
最強的現金回贈信用卡！安信EarnMORE銀聯鑽石卡 – 零成本賺$870 迎新回贈+全年消費2% 現金回贈
美國運通國泰航空信用卡 / 尊尚信用卡
AE CX / CX Elite
呢張美國運通國泰航空尊尚信用卡 (灰卡) 係我用得最多嚟入lounge 嘅，因為貪佢唔使簽賬就可以免費入lounge，仲可以出兩張附屬卡俾家人一齊入，十分方便。免首年年費，但係第二年就一定要俾年費，所以第一年你申請主卡，附屬卡俾家人用，一年後cut 卡，到你家人申請主卡，附屬卡俾你用，咁就可以無限永續啦！但由今年4 月起將會更改條款，每年只可以主卡同附屬卡共用10 次免費貴賓室服務，都叫好過冇啦！用佢嚟全數簽賬機票同酒店仲會送旅遊保險俾你同與你同行嘅家人，咁都唔錯吖！
如果年薪唔合符要求，都可以申請美國運通國泰航空信用卡 (綠卡)，每年會送兩張免費環亞機場貴賓候機室入場券，主卡及附屬卡持有人都可以用，體驗下都唔錯嘅。
申請資格
- 最低年齡要求：18歲
- 最低年薪要求：AE CX Elite HK$300,000；AE CX HK$150,000
- 年費：免首年年費，其後每年 AE CX Elite HK$1,800；AE CX HK$980 (不可以waive，逼你用一年cut 卡)
入lounge 條款
- 主卡及附屬卡持有人每年可共用10 次免費全球環亞機場貴賓候機室服務。
- 即日至 2020年3月31日：無需預約，可以免費、無限次、使用全球Plaza Premium Lounge。
- 2020年4月1日-12月31日：無需預約，期間可以免費用 10 次全球Plaza Premium Lounge。
- 2021年1月1日起：無需預約，每年可免費用 10 次全球Plaza Premium Lounge。
- 主卡或附屬卡卡主需憑同名之當日登機證、旅遊證件及信用卡進入機場貴賓室。每人每天限用一次。
經以下連結申請仲可以額外多2,000 亞洲萬里通里數回贈！
按我申請
更多有關美國運通國泰航空尊尚信用卡嘅資料，請看以下介紹：
旅遊必備信用卡！美國運通國泰航空尊尚信用卡 AE CX Elite！
Citibank PremierMiles 信用卡
Citi PM
Citi 呢張信用卡嘅主卡同附屬卡持有人每年都可以免費共用12 次指定Plaza Premium Lounge (包括香港)，每次使用後30 日內要憑卡消費HK$5,000 (即係如果主卡同附屬卡持有人一齊入一次，咁就要喺使用後30 日內碌番HK$10,000)，但係用電子錢包增值或者轉賬都計係消費，所以你入完lounge 之後30 日內用呢張卡過錢落AliPay、WeChatPay、同埋PayMe 咁就可以free 一次架啦。提提你電子錢包每月用信用卡增值嘅上限係：AliPay HK$2,000、WeChatPay HK$1,000、PayMe HK$2,000，咁就啱啱好碌夠HK$5,000，零成本入一次lounge 啦！
另外如果用呢張卡全數簽賬機票同酒店 / 旅行團團費，同樣會送旅遊保險俾你同與你同行嘅家人，咁就輕鬆賺埋旅遊保險同入lounge 啦！
申請資格
- 最低年齡要求：18歲
- 最低年薪要求：HK$240,000
- 年費：免首年年費，其後每年HK$1,800 (但可以打電話去waive)
入lounge 條款
- 主卡及附屬卡持有人每年可共用12 次免費指定環亞機場貴賓候機室服務。
- 每一次使用後30 日內要憑卡消費HK$5,000，如未能達到要求或一年內使用超出12 次，會從信用卡扣除使用貴賓室之費用。
- 主卡或附屬卡卡主需憑同名之當日登機證、旅遊證件及信用卡進入機場貴賓室。
免費進入香港航空機場貴賓室
(遨堂 / 紫荊堂)
如果你嫌環亞機場貴賓室太嘈太多人，以下再為你介紹另一個免費lounge 嘅選擇！香港航空自家嘅機場貴賓室，分別有位於禁區內23 號閘附近嘅「紫荊堂」，及位於212 號閘附近嘅「遨堂」，其中以即製嘅港式街頭小食”雞蛋仔”而聞名，值得一試！
| 信用卡 | 年薪要求 | 每年可進入次數 | 進入條件 |
| 中銀港航 Visa Platinum 卡 / 中銀港航 Visa Signature 卡 | HK$150,000 / HK$300,000 | 5 次 | 乘搭香港航空任何機艙客位，可與同行乘客每年共用5次免費 |
中銀港航 Visa Platinum 卡 /
中銀港航 Visa Signature 卡
呢張係中銀同港航合作推出嘅Visa 卡，無論係白金卡 (紅卡) 定係Signature 卡 (灰卡)，如果你係乘搭香港航空任何航班及倉等級別，都可以免費享用香港航空機場貴賓室遨堂或紫荊堂，仲可以同乘搭同一航班嘅同行親友每年共用5 次貴賓室服務添！無需任何簽賬，免費使用。
申請資格
- 最低年齡要求：18歲
- 最低年薪要求：Platinum HK$150,000；Signature HK$300,000
- 年費：免首兩年年費，其後每年Platinum HK$1,600；Signature HK$2,000 (未知可唔可以waive，用住頭兩年先啦)
入lounge 條款
- 乘搭香港航空任何機艙客位，持卡人均可與同行乘客每年共用5 次免費使用香港航空機場貴賓室服務。
- 同行乘客必須與持卡人乘搭同一航班，方能一同使用貴賓室服務。
- 持卡人及同行乘客需憑同名之當日登機證、旅遊證件及持卡人之信用卡進入機場貴賓
資料詳盡， 清晰易明， 好有用呀！！
謝謝分享！
多謝支持！如果喜歡請分享，謝謝！????