話說我每次外遊都會慳錢搭廉航，冇包飛機餐，所以飛之前都一定會入”魚蛋粉lounge”(環亞貴賓室) 嘆番陣，食飽飽先上機，返到香港落機又會去第一第二航廈之間嘅非禁區環亞貴賓室再食多餐先返屋企。但係為配合機場更新工程，第二航廈嘅非禁區環亞貴賓室同之前禁區內近40 號閘嘅環亞貴賓室 (又稱West Hall) 已經關閉，而一間新開嘅環亞貴賓室剛剛於2019 年12 月28 日正式開幕，咁究竟呢間貴賓室有乜嘢特別之處呢，以下立即為你直擊！
想免費享用環亞貴賓室？詳看我另文介紹：
有邊張信用卡可以免費入機場貴賓室？立即為你介紹！
以前近40 號閘嘅”West Hall” 現在已經圍封。
新開嘅環亞貴賓室近住35 號閘，搭電梯或落樓梯就可以到達，一齊去睇下內裡嘅環境先。
承接咗1 號閘附近”East Hall” 環亞貴賓室嘅風格，內裡嘅燈光比較暗，俾人一種relax 嘅感覺。貴賓室內有航班顯示屏，但唔會有登機廣播，大家要注意唔好錯過航班呀！
休息區設有個人坐椅，但係就冇咗之前嘅個人包廂式坐位。坐位傍提供USB 充電插座。
用餐區有幾種唔同風格嘅坐位可以選擇，設有大量USB 充電插座，好鬼貼心。
自助吧同其他PP Lounge 大同小異，有各式麵包曲奇、沙律菜、咖啡果汁、牛奶粟米片等等小食，可以隨便自取。
增設新菜式及QR code 點餐服務
重點來了！今次PP Lounge 嘅一大突破就係QR code 點餐，每張檯面上會有一個QR code，只要你用手機連接網絡，再scan 下個QR code，就可以進入點餐menu，點完餐仲有專人為你送上食物添，連排隊取餐都唔使，十分周到。(注：PP Lounge 內有提供免費wifi。)
點餐menu 內共有6 款食物可以點，除咗有招牌嘅必食XO 醬魚蛋粉，仲有沙嗲牛肉出前一丁麵、酸辣雪菜腐皮湯麵、鮮制未來豬肉湯餃、蒸腸粉及西式早餐，每次最多可以order 兩款，食完唔夠可以再order，而menu 中嘅食物係會因應不同時段而改變，以上係早餐時段嘅menu。
我order 咗”自家鮮制未來豬肉湯餃”，手機落單之後好快就有專人送到，所謂” 未來豬肉”，其實就係一種素肉，但係食落口感又幾似真肉喎，味道唔錯！
今次因為時間太早，冇乜胃口，下次一定要試埋其他幾款美食！食飽飽可以開開心心上機啦！
服務收費
使用環亞機場貴賓室兩小時服務收費為US$75 (約HK$595)，在其官方網站可以預訂，但其實有好多途徑可以免費使用嘅……
想免費享用環亞貴賓室？詳看我另文介紹：
有邊張信用卡可以免費入機場貴賓室？立即為你介紹！
官方網站
環亞機場貴賓室 Plaza Premium Lounge
環亞機場貴賓室 (離境大堂，鄰近35號閘口)
地址：香港國際機場離港層6樓近35號登機閘口
營業時間：24小時
其他環亞機場貴賓室：
環亞機場貴賓室 (離境大堂，鄰近1號閘口) (East Hall)
地址：香港國際機場1號客運大樓離港層6樓 (鄰近1號閘口)
營業時間：24小時
環亞優逸庭 (離境大堂，鄰近1號閘口)
需要另加HK$250 升級進入
地址：香港國際機場1號客運大樓離港層6樓 (鄰近1號閘口)
營業時間：24小時
想免費享用環亞貴賓室？詳看我另文介紹：
有邊張信用卡可以免費入機場貴賓室？立即為你介紹！