台灣旅遊 – 台北桃園機場環亞貴賓室體驗

如果喜歡這篇文章,請幫忙分享

唔知你哋會唔會同我一樣,每次去完台北旅行,去到機場準備返香港嘅時候,都會有一種失落嘅感覺,好似仲未夠喉咁…… 但係原來旅程係仲未完架!因為台北桃園機場仲有可以用信用卡免費進入嘅環亞機場貴賓室,全台 灣係得桃園機場先有PP Lounge架咋!上機返香港之前入去hea 下,或者食下即點即煮嘅美食,甚至飲番兩杯,咁就可以為你嘅旅程劃上完滿嘅句號啦!

想免費享用環亞貴賓室?詳看我另文介紹:
有邊張信用卡可以免費入機場貴賓室?立即為你介紹!

今次為大家介紹嘅係位於台北桃園機場第2航廈離境大堂4樓A區嘅PP Lounge,只要大家入咗禁區之後行去A區,見到指示牌再上電梯就會到達。一上電梯你會見到開放式嘅A1區環亞貴賓室,都可以入嘅,但係我個人比較重視私隱度,所以選擇右轉入A區嘅室內環亞貴賓室。

台灣 pp lounge 01

接待處喺入口外,只要辦理好手續就可以入去啦。

台北 pp lounge 02

裡面嘅環境同燈光都係同香港嘅環亞貴賓室好類似,燈光幽暗,令你有一種relax 嘅感覺,內有免費wifi提供。用餐區坐位有幾款唔同選擇,部份提供USB充電插,我選擇咗香港人最鍾意嘅卡位,空間十分大,可以坐到6 個人,每邊坐3 個人都唔會太逼。

台北 pp lounge 03

現煮食物方面,有台灣口味嘅紅燒牛肉麵同埋台式雞肉飯,仲有我最鍾意嘅素豆皮烏龍麵,全部即點即煮,夠晒新鮮!點餐bar檯右邊有咖啡機、果汁,仲有台灣啤酒可以隨便自取。

台北 pp lounge 04

自取食物方面都係有必備嘅有各式麵包同沙律菜等等小食,仲有栗子雞湯、銀絲卷及幾款炸物,右邊有雪櫃供應幾款罐裝飲品,甜品同水果。

台北 pp lounge 06
台北 pp lounge 05

我差唔多全部食物都試晒,味道真係唔錯!現煮食物勝在每碗份量唔多,可以俾你點多幾款試下唔同口味,我強列推薦紅燒牛肉麵。

台北 pp lounge 07
台北 pp lounge 08

食飽飽未夠鐘上機,可以換位去休息區坐下,有舒適嘅獨立梳化,再飲番兩杯紅白酒,準備上機返香港lu。

台北 pp lounge 09

服務收費

使用台北桃園機場環亞貴賓室兩小時服務收費為US$43 (約HK$340),在其官方網站可以預訂,但其實有好多途徑可以免費使用嘅……

想免費享用環亞貴賓室?詳看我另文介紹:
有邊張信用卡可以免費入機場貴賓室?立即為你介紹!

官方網站
環亞機場貴賓室 Plaza Premium Lounge

環亞機場貴賓室 (第2航廈離境大堂A區)
地址:台灣桃園國際機場第2航廈離境大堂4樓
營業時間:24小時

台北 pp lounge map

其他台北桃園機場環亞貴賓室:

環亞機場貴賓室 (第2航廈離境大堂A1區)
地址:台灣桃園國際機場第2航廈離境大堂4樓
營業時間:每日早上6時至晚上10時

環亞機場貴賓室 (第1航廈離境大堂C區)
地址:台灣桃園國際機場第1航廈離境大堂4樓
營業時間:每日早上6時至晚上10時

環亞機場貴賓室 (第1航廈離境大堂D區)
地址:台灣桃園國際機場第1航廈離境大堂4樓
營業時間:24小時

想免費享用環亞貴賓室?詳看我另文介紹:
有邊張信用卡可以免費入機場貴賓室?立即為你介紹!


如果喜歡這篇文章,請幫忙分享

發表回覆

你的電郵地址並不會被公開。 必要欄位標記為 *