台灣旅遊 – 如何用港幣兌換台幣最化算?

如果喜歡這篇文章,請幫忙分享

香港人出晒名係旅行精,一年唔去返三五七次旅行都唔舒服。講到旅遊熱點,台灣必定係最受香港人歡迎嘅國家之一啦!台灣勝在夠近,機程短,而且花費較低,CP 值高,週末請一日假嚟個三日兩夜短trip,chill 下relax 下,已經係好基本。咁究竟喺邊度兌台幣可以最抵匯率最靚同最方便呢?以下同大家分享一下我嘅少少心得!

到香港本地銀行兌換台幣 / 外幣提款機

我十分唔建議咁做,因為去銀行兌換台幣除咗要排隊之外,兌換率普遍仲比較差,又要俾手續費,而且唔係每間分行都有足夠外幣庫存,去之前最好打去預約或確認。呢個方法費時失事,限制多多,所以如無必要我絕不建議去銀行兌換台幣。而個别銀行亦設有外幣提款機,提取外幣會直接從你戶口扣除港幣,而每日提款限額亦會同你個港幣戶口共用。

到本地找換店兌換台幣

最傳統同最多人知嘅方法,就係親身去找換店兌換台幣。一般找換店嘅兌換率都會比銀行好,又唔收手續費,但係始終都係要你自己去排隊兌換,而且找換店所在位置對你嚟講又未必就腳,要專程去都唔係太方便,更加唔好到香港機場嘅找換店兌換台幣,因為匯率一定比市區嘅找換店更差。

最化算方法 – 用有銀聯功能嘅提款卡到台灣櫃員機提取

呢個亦係我自己用得最多嘅方法,如果你持有一張香港本地銀行嘅提款卡,上面印有銀聯logo,只要你開通海外提款功能,就可以到台灣當地有銀聯logo 嘅ATM 櫃員機直接提取台幣,但係留意每次提款香港銀行係會收取HK$15 至HK$20 不等嘅一次性手續費 (中國銀行、渣打銀行、東亞銀行手續費為HK$15,而恒生銀行及滙豐銀行手續費為HK$20) ,而台灣嘅ATM 係限制每次提款只能提二萬元台幣,所以每次提盡二萬元台幣就最扺喇,因為就算你提兩三千元台幣都同樣要收取一次手續費架!雖然有手續費,但係銀聯兌換率加上手續費後依然係比銀行同找換店個兌換率好,而且仲唔洗專登去排隊添!但係千祈唔好用錯有銀聯功能嘅信用卡去提取台幣呀,因為會當你信用卡現金透支,要俾利息架!

再提提大家,如果你已有足夠台幣出市區,唔一定要急住喺台灣機場ATM 提取台幣嘅,因為市區大部份便利店如7-Eleven、全家,都設有銀聯網絡嘅櫃員機,咁就唔洗喺機場大排長龍啦!

到台灣本地銀行 / 找換店換台幣

呢個亦係我唔建議嘅做法,因為到當地銀行或找換店兌換台幣,匯率一定唔會好,但係都不失為一個急需要台幣嘅選擇,機場仲會有24 小時櫃檯服務。

總結 – 各種方式匯率參考

以下我提供各種不同方式嘅兌換率供大家作對比,以2020 年1 月15 日嘅匯率兌換TWD$20,000 來作比較。

各種方式匯率參考

資料來源
TTRate
TaiwanRate

到台灣旅行消費用銀聯信用卡最化算

如果去可以用銀聯信用卡嘅商戶消費,就更加係抵上加抵,因為除咗可以有最好匯率同免手續費之餘,仲可以賺埋信用卡回贈,咁就可以慳到盡啦!而當中最高現金回贈嘅銀聯信用卡就一定係安信EarnMORE 銀聯鑽石卡喇!仲可以入埋機場貴賓室添!

由即日起至2020年5月31日,用EarnMORE 銀聯卡於台灣作海外簽賬有額外5% 現金回贈,加上基本2% 現金回贈,合共7% 現金回贈
(額外5% 現金回贈上限為HK$2,000)

安信EarnMORE 銀聯鑽石卡

2020 年2 月29 日之前經以下連結申請仲可以額外多$200 現金回贈!
按我申請

有關安信EarnMORE銀聯鑽石卡的其他優惠,可以到我另一編文章有長盡介紹:
最強的現金回贈信用卡!安信EarnMORE銀聯鑽石卡 – 零成本賺$870 迎新回贈+全年消費2% 現金回贈


如果喜歡這篇文章,請幫忙分享

發表回覆

你的電郵地址並不會被公開。 必要欄位標記為 *